’n Kreenk vuur de Twentse Sproak begeent moandagoamnd 11 oktober met ne nieje cursus Twents en Twentekunde.
’n Kreenk vuur de Twentse Sproak begeent moandagoamnd 11 oktober met ne nieje cursus Twents en Twentekunde.
Den cursus besteet oet 6 oamnde en wördt hoolden in ’t Twentehoes in Boorn. De doatums bunt: 11 oktober, 1, 15, 22, en 29 november en ofsloeten op 6 december. Der könt hoogoet 15 leu metdoon en in de hearfstvekaansie wördt der gin cursus geven.
Dee cursus gif oe ’n oaverzicht van ’t profiel van Twente. Met andach vuur de geschiedenis van Twente, de Twentse taal met al eure verschillen en netuurlijk ok de Twentse cultuur.
Twentedeskundigen dee met doot bunt KTS-ex veurzitter Joop Weber, Adrie Hemmink van ’t Twentehoes, streekhistoricus Marco Krijnsen, streektaalconsulent Albert Bartelds, streektaal deskundige dr. Harrie Scholtmeijer, redacteur van ’n Bodbreef, Gerrit Dannenberg en bekeand van RTV-Oost, ’t van Deinse instituut en nog völle meer, Thea Kroese.
Opgeven kan biej ’n KTS-secretaris Alie van der Veer, (avanderveer@kreenk.nl) De kosten bunt 110 euro inclusief lesmateriaal. Dat köj betalen op ’n eersten cursusoamnd. As ’t antal anmealdingen tegenvaalt, bekiekt wiej wat der dan nog meugelijk is.
