Twents programma roond Twentse Taalpries met o.a. Jan Riesewijk, Algerak, Thea Kroese en Bert Grooth
AlgemeenBOORN - Vriejdagoavend 28 september krig Gerrit Kraa de Twentse Taalpries 2018. Noa 4 joar is de Twentse Taalpries wier tot leaven ekömmen met nen echten winnaar. Doar mu’w natuurlijk wat van hoolden. Dat geet ook geburen op 27 september in het Kulturhus van Boorn. Algerak maakt mooie muziek, Jan Riesewijk is der en zal op ziene eagen manere Gerrit Kraa too-sprekken. Vuurzitter Bert Groothengel van het nieje Twentehoes geet wat zeggen, oold-bestuurslid Thea Kroese zorgt vuur ne verrassing en de Twentehoesbestuursleden Arie Jansen en Gerrit Dannenberg doot ‘n poar gedichen. Nen gezelligen Twentsen oawend. Juryvuurzitter börgemeaster Rob Welten van Boorn zal de pries oawerhandigen. Iederene is van harte welkom. Kaarten kost mer ’n tientje en kö’j rechtstreeks bestellen biej ’t Kulturhus. Dat kan per tellefon 074-2657200 of mailt noar receptie@kulturhusborne.nl Dreks doon! Gerrit Kraa zal ’t merakel mooi veenden a’j der biej zeent. An ’n eande krig iederene nog Twents cadeautje met.